Հունվար ամիսը մեր դպրոցում ճամբարային էր։ Ես հայրենագետ-ճամփորդների խմբից էի, որը անվանվում էր “Բիայնիլի”:
Մեր ճամբարը երեք շաբաթյա էր։ Առաջին շաբաթվա ընթացքում գնացել ենք Ջրվեժի անտառապարկ, հայկակակ կավե նախշազարդեր պատրաստել, գնացել ենք սահադաշտ չմուշքներ քշելու։
Հաջորդ շաբաթվա մեջ դիտել ենք տարբեր հետաքրքիր մուլտֆիլմեր, պատրաստել ենք թխվածքաբլիթներ։ Այս շաբաթը ինձ համար կարճ էր, քանի որ ես չմեկնեցի Արատես մեր ջոկատի հետ եւ մնացի տանը։
Ճամբարային վերջին շաբաթվա ընթացքում պատրաստեցինք գեղեցիկ կավե կախազարդեր։ Ես պատրաստել էի երկուսը. մայրիկիս եւ տատիկիս համար։ Վերջին օրը պատրաստեցինք պիցցա, դիտեցինք “Էմիլը Լյոնեբերգիայից” մուլտֆիլմը։
Ահա այսպիսի հետաքրքիր օրեր անցկացրեցինք ձմեռային ճամբարի ընթացքում։
Հայկ Ղազարյան 