Ամանորը մեր ընտանիքում ընդունված է անցկացնել Գյումրիում։ Չնայած մեր տանը Երեւանում զարդարում ենք մեր տոնածառը։ Ինչպես հայրիկիս եւ մայրիկիս մանկության ժամանակ, մենք հիմա նույնպես զարդարում ենք ապակյա խաղալիքներով, որոնք փրկվել են 1988թ ավերիչ երկրաշարժից։
Ամանորին զարդարում ենք տոնական սեղանը, ինչպես բոլոր հայկական ընտանիքները։
Երեկոյան ժամերին դուրս ենք գալիս զբոսնելու հենց այն նույն վայրերում, որտեղ որ տարիներ առաջ իրենց մանկությունն են անցկացրել ծնողներս. Գյումրիի պետական դրամատիկական թատրոնի բակ, Ռիժկովի փողոց, Հաղթանակի այգի։ Չնայած այս տարի ամանորին Գյումրին զարդարված չէ, բայց Գյումրիում այնքան շատ ձյուն կա, որ մենք եղբայրներիս հետ սահնակ ենք խաղում, անտեսելով սաստիկ ցուրտը։
Հայկ Ղազարյան 